ﻗﺼﻴﺪﺓ ﺣﺰﻳﻨﻪ ﻋﻦ ﺍﻟﻔﺮﺍﻕ....
"*
ﺯﻳﻨﻮﻫﺎ
ﻭﺇﺩﻓﻨﻮﻫﺎ
ﻭﺍﻟﻜﻔﻦ ﺛﻮﺏ ﺍﻟﺰﻓﺎﻑ
ﻏﺼﺐ ﻋﻨﻬﺎ ﺯﻭﺟﻮﻫﺎ
ﻭﺳﻠﻤﻮﻫﺎ ﻟﻠﻐﺮﻳﺐ
ﻣﺠﺒﺮﻩ ﻣﺎﺷﺎﻭﺭﻭﻫﺎ ﻗﺼﺪﻫﻢ ﺷﺮﻉ ﺍﻟﻌﻔﺎﻑ
ﻣﺎﺩﺭﻭﺍ ﺇﻥ ﺍﻟﺒﻨﻴﻪ ﻣﻐﺮﻣﻪ ﻭﻟﻬﺎ ﺣﺒﻴﺐ
ﺟﻬﺰﻭﻫﺎ ﻭﻫﻲ ﺗﺒﻜﻲ ﻭﺗﺮﺗﺸﻒ ﺩﻣﻊ ﺇﺭﺗﺸﺎﻑ
ﻭﺧﺒﺮﻭﻫﺎ ﺇﻥ ﻣﻮﻋﺪ ﺍﻟﻔﺮﺡ ﻣﻨﻬﺎ ﻗﺮﻳﺐ
ﻣﺎﻟﻘﺖ ﺃﺣﺪ ﻓﻬﻤﻬﺎ ﻭﻫﻤﻬﺎ ﻧﺎﻇﺮ ﻭﺷﺎﻑ
ﺇﻥ ﺣﻜﺖ ﺑﺎﻟﻠﻲ ﺳﻜﻨﻬﺎ
ﻣﺎﻟﻘﺖ ﻟﻬﺎ ﻣﺠﻴﺐ
ﻭﻛﺎﻧﻬﺎ ﻫﻲ ﻭﺍﻓﻘﺘﻬﻢ ﺟﺮﻋﻮﻫﺎ ﺍﻟﺰﻋﺎﻑ
ﺣﺎﻟﻬﺎ ﻣﻦ ﻓﻌﻞ ﺃﻫﻠﻬﺎﺻﺎﺭ ﻣﺤﺰﻥ ﻭﻣﺮﻳﺐ
ﻭﺍﻟﺤﻔﻞ ﻗﺮﺏ ﻭﻗﺎﻣﺖ ﺗﺮﺗﺠﻒ ﺧﻮﻑ ﺇﺭﺗﺠﺎﻑ
ﻛﻞ ﻳﻮﻡ ﺗﻘﻮﻝ ﺑﺎﻛﺮ ﺍﻟﻔﺮﺝ ﺑﺈﺫﻥ ﺍﻟﺮﻗﻴﺐ
ﺑﺎﻛﺮ ﻳﻤﻜﻦ ﻳﻔﻬﻤﻮﻥ ﻗﺼﺘﻲ ﺑﺂﺧﺮ ﻣﻄﺎﻑ
ﺟﺎ ﺑﺎﻛﺮ ﺛﻢ ﻋﺪﺍ ﻭﺟﺎ ﺑﻌﺪ ﺑﺎﻛﺮ ﻋﻄﻴﺐ
ﻭﻋﻠﻘﻮﺍ ﻋﻘﺪ ﺍﻹﻧﺎﺭﻩ ﻭﺇﺣﺘﺸﺪ ﻓﺮﺩ ﻭﺁﻻﻑ
ﺃﻳﻘﻨﺖ ﺇﻥ ﺍﻟﺠﺮﺡ ﺟﺮﺣﻬﺎ ﻣﺎﻟﻪ ﻃﺒﻴﺐ
ﻭﺇﻧﻬﺎ ﻻﺯﻡ ﺗﻄﻴﻊ ﺃﻣﺮﻫﻢ ﻭﺗﺮﺿﻰ ﺍﻟﺠﻔﺎﻑ
ﺟﻮ ﻟﻬﺎ ﻭﺍﻟﺪﻣﻊ ﻳﻐﺮﻕ ﺟﻔﻨﻬﺎ ﺍﻟﺤﻠﻮ ﺍﻟﺮﻃﻴﺐ
ﻗﺎﻟﻮﺍ ﻳﺎﺍﻟﻠﻪ ﺇﻟﺒﺴﻲ ﺛﻮﺑﻚ ﺍﻟﻠﻲ ﻟﻠﺰﻓﺎﻑ
ﻛﻔﻨﻮﻫﺎ ﻭﻓﻲ ﻧﻈﺮﻫﻢ ﺯﻭﺟﻮﻫﺎ ﻟﻸﺩﻳﺐ
ﻓﺮﺷﻮﻫﺎ ﺍﻟﻬﻢ ﺩﺍﻳﻢ ﻭﺍﻷﺳﻰ ﻟﻬﺎ ﻟﺤﺎﻑ
ﻳﺎﺣﺴﺎﻓﻪ ﺩﺧﻠﻮﻫﺎ ﻭﺍﻟﺤﺸﺎ ﻳﻐﻠﻲ ﻟﻬﻴﺐ
ﻭﺃﺣﻜﻤﻮﺍ ﻗﻴﺪ ﺍﻟﺒﻨﻴﻪ ﻭﺇﺳﺠﻨﻮﻫﺎ ﺑﺈﻟﺘﻔﺎﻑ
ﻭﺍﺩﻋﺘﻬﻢ ﻭﻫﻲ ﺗﻘﻮﻝ ﺣﺴﺒﻲ ﺍﻟﻠﻪ ﺍﻟﺤﺴﻴﺐ
ﺭﺣﻠﺘﻲ ﻣﺎﻫﻴﺐ ﻃﻮﻳﻠﻪ ﻭﺭﺟﻌﺘﻲ ﺑﻌﺪ ﺍﻟﻘﻄﺎﻑ
ﺳﺎﻓﺮﺕ ﻋﻦ ﺩﺍﺭﺃﻫﻠﻬﺎ ﻭﻗﻠﺒﻬﺎ ﺧﻄﺮ ﻭﺻﻮﻳﺐ
ﺳﺎﻓﺮﺕ ﻣﻊ ﻣﻨﻬﻮ ﺧﻄﻔﻬﺎ ﻣﻦ ﺃﻣﺎﻧﻴﻬﺎ ﺍﻟﻀﻌﺎﻑ
ﺧﺎﻳﻔﻪ ﻣﺴﺘﻮﺣﺸﻪ ﻭﺍﻟﻌﺮﻕ ﻣﻨﻬﺎ ﺻﺒﻴﺐ
ﻭﻗﻠﺒﻬﺎ ﻳﻨﺒﺾ ﺑﺬﻛﺮﻯ ﻣﺎﺿﻴﻪ ﻓﻴﻬﺎ ﺇﺧﺘﻼﻑ
ﺣﺎﻭﻟﺖ ﺗﺮﺿﻰ ﺑﻘﺪﺭﻫﺎ ﻭﻟﻠﺤﺪﺙ ﻫﻲ ﺗﺴﺘﺠﻴﺐ
ﺑﺲ ﻋﻴﺖ ﺗﻘﺘﻨﻊ ﻭﻋﺸﻘﻬﺎ ﺫﺍﻙ ﺍﻟﻀﻔﺎﻑ
ﻫﻮﺳﺄﻟﻬﺎ ﺟﺎﻭﺑﻴﻨﻲ ﻟﻴﻪ ﺩﻣﻌﺎﺗﻚ ﺳﺮﻳﺐ
ﻟﻴﻪ ﻟﻲ ﻣﺎﺗﻨﻈﺮﻳﻦ ﻭﺃﻧﺎﺯﻭﺟﻚ ﺷﺨﺺ ﻭﺍﻑ
ﻗﺎﻟﺖ ﺑﻨﺒﺮﻩ ﺧﺠﻮﻟﻪ ﺃﻧﺎ ﻓﻲ ﻭﺿﻊ ﺭﻫﻴﺐ
ﻏﺼﺐ ﻋﻨﻲ ﺯﻭﺟﻮﻧﻲ ﻭﺇﻃﻌﻨﻮﻧﻲ ﺑﺎﻟﺮﻫﺎﻑ
ﻫﻮ ﺳﻜﺖ ﻟﺤﻈﺔ ﺗﺄﻣﻞ ﻭﺵ ﺃﺳﻮﻱ ﻳﺎﻣﺠﻴﺐ
ﻋﻘﻠﻪ ﻭﻗﻠﺒﻪ ﻧﻄﻘﻬﺎ ﺻﺎﺣﺐ ﺍﻟﻨﺨﻮﻩ ﻳﻌﺎﻑ
ﻗﺎﻝ ﻣﻨﻬﻮ ﻏﻴﺮ ﺣﺒﻲ ﻳﺴﻜﻦ ﺑﻘﻠﺒﻚ ﻧﺠﻴﺐ
ﻣﻦ ﺗﻮﻟﻰ ﻋﺮﺵ ﻗﻠﺒﻚ ﺇﻫﺘﻨﻲ ﺑﻪ ﻳﺎﻋﻔﺎﻑ
ﻭﺑﺎﻛﺮ ﺍﻟﺮﺟﻌﻪ ﺗﺮﺍﻫﺎ ﻭﺇﻣﺴﺤﻲ ﺍﻟﺪﻣﻊ ﺍﻟﻌﺠﻴﺐ
ﺧﺎﻳﻒ ﺇﻧﻲ ﺃﻣﺴﻜﻚ ﻭﺃﻗﺘﺮﻑ ﺫﻧﺐ ﺇﻗﺘﺮﺍﻑ
ﺇﺿﺤﻜﺖ ﺿﺤﻜﻪ ﻭﻗﺎﻟﺖ ﻣﺎﺑﻌﺪ ﻫﺎﻟﻄﻴﺐ ﻃﻴﺐ
ﺍﻟﻠﻪ ﻳﺠﺎﺯﻳﻚ ﻋﻨﻲ ﺑﺎﻷﺟﺮ ﻭﻳﺴﺮ ﺍﻟﻄﻮﺍﻑ
ﺇﺭﺟﻌﺖ ﻭﻗﺎﻟﺖ ﺭﺟﻌﺖ ﻳﺎﺃﻫﻞ ﺍﻟﺸﺮﻉ ﺍﻟﻐﺮﻳﺐ
ﺑﻨﺘﻜﻢ ﺟﺘﻜﻢ ﻭﻟﻜﻦ ﻣﻦ ﺑﻌﺪ ﺫﻝ ﻭﺣﺴﺎﻑ
ﻭﺇﺑﻌﺜﺖ ﻣﺮﺳﻮﻝ ﻋﺎﺟﻞ ﺃﻧﺎ ﺟﻴﺘﻚ ﻳﺎﺍﻟﺤﺒﻴﺐ
ﺍﻟﻨﺬﺭ ﺍﻟﻠﻲ ﻧﺬﺭﺗﻪ ﺻﺎﺭ ﻭﺍﻓﻲ ﻳﺎﻣﻨﺎﻑ
ﺇﺟﻠﺴﺖ ﻳﻮﻡ ﻭﺗﺄﺧﺮ ﻻﺭﺳﺎﻟﻪ ﻭﻻﻣﺠﻴﺐ
ﻭﻋﻘﻠﻬﺎ ﻳﻤﻪ ﺗﺸﺘﺖ ﻭﺑﺪﺕ ﺑﺎﻟﻐﻴﺒﻪ ﺗﺨﺎﻑ
ﻣﺮﻫﺎ ﻃﻔﻞ ﺻﻐﻴﺮ ﻭﺇﺳﺄﻟﺖ ﻋﻦ ﺍﻟﺼﺤﻴﺐ
ﻗﺎﻝ ﻣﺎﺕ ﻟﻴﻠﺔ ﺯﻓﺎﻓﻚ ﻭﺇﻧﺪﻓﻦ ﺑﻌﺪ ﺍﻟﺰﻓﺎﻑ
ﻧﺎﺣﺖ ﺑﺤﺴﺮﻩ ﻭﻃﺎﻟﺖ ﺍﻟﻠﻴﺎﻟﻲ ﻭﺍﻟﻨﺤﻴﺐ
ﻭﻭﺩﻋﺖ ﻗﺒﻞ ﺍﻟﻠﻘﺎﺀ ﺣﻠﻤﻬﺎ ﺍﻟﺰﺍﻫﻲ ﻭﻃﺎﻑ
ﺇﻗﺘﻠﻮﻫﺎ ﻣﺮﺗﻴﻦ
ﻭﺷﺎﺑﺖ ﻣﺎﻗﺒﻞ
ﺍﻟﻤﺸﻴﺐ
*"
الخميس مارس 14, 2013 12:52 pm من طرف 
